ე.წ. “ფოტოგრაფების საქმეზე” იურიდიულ საკითხთა კომიტეტის თავმჯდომარე ეკა ბესელია დაიკითხება – განცხადება საქმის პროკურორმა ემზარ გაგნიძემ სააპელაციო სასამართლოში მიმდინარე სხდომაზე გააკეთა.
ეკა ბესელია ჯაშუშობაში ბრალდებული გიორგი აბდალაძის ინტერესებს იცავდა.
დღევანდელ პროცესზე სახელმწიფო ბრალდება და თავად ფოტორეპორტიორები შესავალი სიტყვებით წარსდგნენ. პროკურორმა იმ გარემოებებზე ისაუბრა, რის საფუძველზეც პროკურატრამ ახალი გამოძიების ფარგლებში დაადგინა, რომ ფოტორეპორტიორები უდანაშაულოები არიან და მათ მიმართ გამამართლებელი განაჩენის გამოტანა იშუამდგომლა.
თავის მხრივ, ფოტორეპორტიორებმა ირაკლი და ნათია გედენიძეებმა, ზურაბ ქურციკიძემ და გია აბდალაძემ საქმის დაჩქარებული წესით განხილვა ითხოვეს და აღნიშნეს, რომ სასამართლოსგან გამამართლებელ განაჩენს ელოდებიან.
მომდევნო პროცესი 1 ივნისს დაინიშნა, სადაც სახელმწიფო ბრალდება მტკიცებულებების გამოკვლევას და მოწმეების დაკითხვას დაიწყებს.