განათლების, მეცნიერებისა და ახალგაზრდულ საქმეთა კომიტეტის თავმჯდომარე, გივი მიქანაძე სტრასბურგში „ქართული ოცნების“ წარმომადგენლებზე განხორციელებულ ბულინგს ეხმიანება.
როგორც მან აღნიშნა, გუშინდელი მცდელობა პროვოკაციის მოხდენის იყო კიდევ ერთი გამოხატულება იმისა, რომ „ნაციონალური მოძრაობის“ წარმომადგენლებს არც ფერი უცვლიათ და არც სახე. მისივე თქმით, ოპოზიციამ ამ ქმედებით კიდევ ერთხელ მთელ საზოგადოებას აჩვენა რეალური სახე.
„ჩვენ ვხედავთ, რომ „ნაციონალური მოძრაობის“ წარმომადგენლებს არც ფერი უცვლიათ, არც სახე უცვლიათ. ის ბულინგი, ზიზღის ენა, ის მართლაც მიუღებელი და წარმოუდგენელი გამოხატულება, რომელიც არანაირად არც ადამიანობაში და არც რაიმე ჯანსაღ კონტექსტში ჯდება, მათგან ეს ყველაფერი არის შორი და გუშინდელი მათი მცდელობა პროვოკაციის მოხდენის იყო ამის კიდევ ერთი გამოხატულება. მათ ვერაფერი ვერ მოიგეს ამით, გარდა იმისა, რომ კიდევ ერთხელ მთელ საზოგადოებას აჩვენეს მათი რეალური სახე და ის მიზნები და ის ძრახვები, რომელიც მათ ამოძრავებთ არამარტო კონკრეტული მმართველი ჯგუფთან და მის წარმომადგენლებთან მიმართებაში, არამედ ზოგადად ქვეყანასთან და საზოგადოებასთან მიმართებაში“, – განაცხადა გივი მიქანაძემ.