ის, რომ საქართველოს საგარეო კურსი არ შეუცვლია იმის გამო, რომ ლგბტ პროპაგანდა არ უნდა, რომ სახლში შემოუვარდეს, ან გამჭვირვალობა უნდა იქნეს უზრუნველყოფილი რაზეც ახლა ძალიან მკაცრად საუბრობს აშშ-ის ახლად არჩეული ადმინისტრაცია, რასაკვირველია ამასთან დაკავშირებით ვერანაირი არგუმენტი ვერ იქნება გამოყენებული დამაჯერებლად, რომ ეს არის მთავარი ნიშნები, რატომაც საქართველო წავიდა რუსული ორბიტისკენ, – განაცხადა „დღის ქრონიკასთან“ საუბრისას პარლამენტის პირველმა ვიცე-სპიკერმა გიორგი ვოლსკიმ.
„საქართველოს ხელისუფლება, საპარლამენტო უმრავლესობა, მილიონ ას ოცი ათასი ადამიანი სწორედ ამ ევროპულ კურსს უჭერს მხარს. ამდენი ადამიანი ითხოვს, ევროკავშირის წარმომადგენელი ამბობს, რომ ეს კურსი ვერ გაგრძელდება და ჩვენი ინტეგრაცია არ მოხდება იმიტომ, რომ ლგბტ კანონია შემაფერხებელი. ამის შემდეგ გარკვეული ჯგუფი სტრასბურგსა და ბრიუსელში ვინც არის ამბობს, რომ არა თუ არ უნდა იქნეს მიღებული, არამედ რაც აქვთ ისიც უნდა წავართვათ. აბსურდის თეატრია. წარმოუდგენელი რამ ხდება, სახალხო პარტიის გავლენიანი ჯგუფია, რომელიც ამ ყველაფერს უკეთებს ორგანიზებას.
განხილვები იქნება ორი დღის განმავლობაში და ოთხშაბათს იქნება ამ საკითხებზე კენჭისყრა. სიცრუის დიდი ტომრით ჩავიდნენ ჩვენი ოპონენტები. სალომე ზურაბიშვილსაც უშველებელი ტომარა ჰკიდია ტყუილების და აქედან გამომდინარე რთულ სიტუაციაში აღმოჩნდება საქართველო.
ამათ იმედი აქვთ, რომ რთულ მდგომარეობაში ჩავარდნილი ჩვენი ქვეყანა ეკონომიკურად დაზიანდება, პრობლემები შეექმნება ლარის კურსს, პრობლემები შეექმნება ადამიანებს, ვინც ექსპორტზე მუშაობს, ვინც სავაჭრო ეკონომიკურ სფეროში მუშაობს და უკმაყოფილო ადამიანების დიდი ჯგუფი შეიქმნება. ამ ვითარებით უნდათ ქვეყნის ისე შერყევა, რომ როგორმე აქუბარდია და ბოკუჩავა მოვიდნენ ხელისუფლებაში. ეს არის რეალური ისტორია, რომელიც დღეს ჩვენ თავს ტრიალებს“, – აღნიშნა გიორგი ვოლსკიმ.