“ბრიუსელისა და ჯორჯ სოროსის ქსელის თავდასხმები საქართველოს მშვიდობის მომხრე მთავრობის წინააღმდეგ უნდა შეწყდეს”

უნგრეთის პრემიერ-მინისტრმა, ვიქტორ ორბანმა საქართველოს პარლამენტის თავმჯდომარესთან შეხვედრისას კიდევ ერთხელ დაადასტურა უნგრეთის მტკიცე მხარდაჭერა საქართველოს მიმართ, – წერს უნგრეთის მთავრობის სპიკერი, ზოლტან კოვაჩი.

ზოლტან კოვაჩის თქმით, პოლიტიკური თანამშრომლობის გარდა, ლიდერებმა განიხილეს ეკონომიკური და ენერგეტიკული თანამშრომლობა.

ორბანმა ხაზგასმით აღნიშნა, რომ ბრიუსელისა და ჯორჯ სოროსის ქსელის თავდასხმები საქართველოს მშვიდობის მომხრე მთავრობის წინააღმდეგ უნდა შეწყდეს, ისევე როგორც ევროკავშირის მხრიდან ოპოზიციის დაფინანსება.

მისი თქმით, საქართველო მზად არის ევროკავშირში გაწევრიანებისთვის და ის რაც შეიძლება სწრაფად უნდა მიიღონ.

ორი ლიდერი შეთანხმდა, რომ უნგრეთ-ქართული ურთიერთობები აგებულია საერთო ღირებულებებზე, მათ შორის კულტურულ და ქრისტიანულ მემკვიდრეობაზე და მშვიდობისადმი ერთგულებაზე. პრემიერ-მინისტრმა ხაზი გაუსვა საინვესტიციო და საქმიანი ურთიერთობების გაღრმავებისა და ორმხრივი ვაჭრობის გაფართოების მნიშვნელობას პოლიტიკური კავშირების ინტენსივობის შესატყვისად.