აშშ-ის სახელმწიფო მდივანი, მარკო რუბიო აცხადებს, რომ პრეზიდენტი დონალდ ტრამპი სერიოზულად განიხილავს გრენლანდიის შეძენას.
როგორც რუბიო აღნიშნავს, ეს საკითხი ეხება უსაფრთხოებას არქტიკულ რეგიონში, სადაც მდებარეობს გრენლანდია, და აშშ-ის პრეზიდენტის სიტყვები ამ საკითხთან დაკავშირებით „არ არის ხუმრობა“.
„მნიშვნელოვანია აღვნიშნოთ, რომ ეს არ ეხება მიწის შეძენას მხოლოდ მიწის გამო. ეს ჩვენს ეროვნულ ინტერესებშია, და ეს საკითხი უნდა გადაწყდეს. ტრამპმა გამოაცხადა, რომ იგი აპირებს მის შეძენას“, – განაცხადა რუბიომ.
სახელმწიფო მდივანმა თავი შეიკავა იმაზე საუბრისგან, მოხდება თუ არა გრენლანდიაზე კონტროლის მოპოვება ტრამპის პრეზიდენტობის დროს.
„ცხადია, ეს არის პრიორიტეტი პრეზიდენტისთვის, რომელმაც ეს საკითხი მნიშვნელოვანი გახადა. ვფიქრობ, შეგიძლიათ დარწმუნებულნი იყოთ, რომ ოთხი წლის შემდეგ ჩვენი ინტერესები არქტიკაში უფრო დაცული იქნება“, – აღნიშნა რუბიომ.