აშშ-ის პრეზიდენტმა დონალდ ტრამპმა თავის სოციალურ ქსელში დაწერა, რომ ორგანიზაცია BRICS-ის წევრ ქვეყნებს, მათ შორის რუსეთს, ბრაზილიას, ინდოეთსა და ჩინეთს, 100-პროცენტიან ტარიფებს დაუწესებს, თუ ისინი დოლარის ჩანაცვლების მიზნით, საკუთარ ვალუტას შემოიღებენ.
„ჩვენ მოვთხოვთ ამ, თითქოს და მტრულ ქვეყნებს ვალდებულებას, არ შექმნან BRICS-ის ახალი ვალუტა და არ დაუჭირონ მხარი არცერთ ვალუტას, რომელიც ძლიერ დოლარს ჩაანაცვლებს, წინააღმდეგ შემთხვევაში ისინი 100-პროცენტიანი ტარიფების წინაშე აღმოჩნდებიან და აშშ-ის მშვენიერ ეკონომიკაში გაყიდვებს დაემშვიდობებიან“, – დაწერა ტრამპმა.
ამერიკის პრეზიდენტმა დასძინა, რომ დასრულდა ის დრო, როცა ამერიკის შეერთებული შტატები, BRICS-ის ქვეყნების დოლარისგან გათავისუფლების მცდელობაზე არ რეაგირებდა.
კომენტარები