აშშ-ის პრეზიდენტის, დონალდ ტრამპის საგანგებო დავალებათა დესპანი, რიჩარდ გრენელი პარასკევს ვენესუელაში ნიკოლას მადუროს შეხვდება. ინფორმაციას ამის შესახებ ტელეკომპანია CNN-ი ინფორმირებულ წყაროზე დაყრდნობით ავრცელებს.
გრენელი მადუროსთან, სხვა საკითხებთან ერთად, სადეპორტაციო ფრენებზე იმსჯელებს. ტრამპმა მასობრივი დეპორტაციების დაპირება თავისი საარჩევნო კამპანიის პრიორიტეტად აქცია, თუმცა მადურო ვენესუელელი მოქალაქეების უკან მიღებაზე უარს აცხადებს.
აშშ-სა და ვენესუელას შორის დაძაბული ურთიერთობების გამო, ამერიკიდან ვენესუელელების დეპორტაცია ფაქტობრივად შეუძლებელია.
შეხვედრა სავარაუდოდ დღეს, დღის მეორე ნახევარში გაიმართება. განხილვის ერთ-ერთი მთავარი საკითხი ვენესუელაში დაკავებული აშშ-ის მოქალაქეების საქმეებიც იქნება.
კომენტარები