სამწუხაროდ, საქართველოში ისევ აქვს საცეცები „დიფ სთეითს“, „გლობალური ომის პარტიას“, – განუცხადა ჟურნალისტებს „ხალხის ძალის“ აღმასრულებელმა მდივანმა, საპარლამენტო ოპოზიციის წევრმა, გურამ მაჭარაშვილმა.
მისივე თქმით, „გუშინდელი რადიკალური პროცესი სწორედ ამას მოასწავებს, რომ ამ ეტაპამდე ჯერჯერობით ისევ ხდება, მათ შორის, როგორც ჩანს ამერიკის საელჩოს მიერ კოორდინირებული ეს რადიკალური პროცესები“.
„როგორც ჩანს, საქართველოში ამერიკის საელჩოს, რაღაცების გადატვირთვა უკვე მოუწევს, ვინაიდან ჩვენ არ ვაპირებთ გაჩუმებას. მაშინ, როდესაც შეერთებული შტატების დღევანდელი ადმინისტრაცია აცხადებს მშვიდობის პოლიტიკას, თანასწორობის პოლიტიკას, ურთიერთპარტნიორობის პოლიტიკას, შავი ფულის წინააღმდეგ პოლიტიკას. სხვა ქვეყნებში ჩაურევლობის პოლიტიკას, მიუხედავად ამისა, როგორც ჩანს, აქაური საელჩო ჯერჯერობით ისევ უწევს კოორდინაციას და წახალისებას ამ რადიკალურ პროცესებს. ვიმედოვნებთ, ეს ძალიან მალე გადაიტვირთება“, – აღნიშნა გურამ მაჭარაშვილმა.