შარტავას ქუჩაზე მშენებარე კორპუსიდან მუშა გადმოვარდა. 21 წლის ახალგაზრდა ადგილზე გარდაიცვალა. მომხდარის მიზეზები უცნობია. შემთხვევა შარტავას 31-ში მოხდა.
“არ იყო დაცული შრომის უსაფრთხოების ნორმები, ეს უკვე აშკარად ჩანს შეუიარაღებელი თვალითაც. ნებისმიერ კორპუსს შეხედეთ, არც მოედნებია შემოღობილი, ალბათ არც დამცავი ქამრები ჰქონდათ,”-აცხადებს ერთ-ერთი ადგილობრივი მცხოვრები.
როგორც რუსთავი 2-ს შსს-ში განუცხადეს მომხდარზე საქმე სისხლის სამართლის კოდექსის 240-ე მუხლით არის აღძრული, რაც სამთო-სამშენებლო სამუშაოს წარმოებისას უსაფრთხოების ნორმების დარღვევას გულისხმობს, რამაც სიცოცხლის მოსპობა გამოიწვია.
კომენტარები