არ არსებობს საერთო ღირებულებები, თუ არჩევნებს აუქმებთ, რადგან შედეგი არ მოგწონთ და ეს მოხდა რუმინეთში, – განაცხადა აშშ-ის ვიცე-პრეზიდენტმა, ჯეი დი ვენსმა.
„თუ გერმანიაში ციხეში ჩაგსვამენ მხოლოდ იმიტომ, რომ უხეში ტვიტი გამოაქვეყნე, რა თქმა უნდა, ეს არასწორია. მთავარი აზრი, რომლის გადმოცემასაც ვცდილობ ჩვენს ევროპელ მეგობრებთან – და მე ვფიქრობ, რომ ისინი მართლაც მეგობრები არიან, მჯერა ამის და ვიცი, რომ პრეზიდენტი ტრამპიც ასე ფიქრობს – არის ის, რომ მეგობრობა საერთო ღირებულებებს უნდა ეფუძნებოდეს.
თუ ხალხს ციხეში სვამთ იმის გამო, რომ ისინი ამბობენ, უნდა დავხუროთ ჩვენი საზღვრები, მაშინ საერთო ღირებულებები არ არსებობს. თუ არჩევნებს აუქმებთ მხოლოდ იმიტომ, რომ შედეგი არ მოგწონთ – და ეს რუმინეთში მოხდა – მაშინ საერთო ღირებულებები არ არსებობს. თუ საკუთარი ხალხის ისე გეშინიათ, რომ აჩუმებთ, მაშინ საერთო ღირებულებები არ არსებობს“, – აღნიშნა ჯეი დი ვენსმა.