თბილისის მერიის მხარდაჭერით სასტუმრო „ პულმანი აქსის თაუერსში„ პროექტი „თბილისი ყველას აერთიანებს“ ჩატარდა. პროექტის ფარგლებში გაიმართა ორგანიზაცია „სახალხო დიპლომატიის„ 10 წლის იუბილე, მისი შვილობილი კომპანიის „სახალხო დიპლომატთა ერთობის„ დაფუძნების პრეზენტაცია და რჩეულთა შორის გამორჩეული თბილისელების დაჯილდოების საზეიმო ცერემონია.
პროექტის მიზანია, სხვადასხვა სფეროს წარმომადგენლების ერთ სივრცეში გაერთიანება. მათი შემოქმედებისა და მოღვაწეობის ფართო საზოგადოებისთვის წარდგენა/დაფასება და პოპულარიზაციაა.
პროექტის მთავარ ამოცანას თბილისის ძველი თაობისა და „თბილისელი კოლორიტების – საქმიანობის წარმოჩენა და მომავალი თაობისთვის გაცნობა, ( რომელიც ასევე სხვადასხვა ეთნიკურ ჯგუფს მოიცავს). თბილისური პეიზაჟების გაცოცხლება და საზოგადოებისთვის დადებითი ემოციების შექმნა წარმოადგენს.
პროექტს ექნება ტრადიციული ხასიათი, გაიმართება ყოველი წლის ბოლოს. გამოკითხვებისა და საქმიანობის შედეგად, წარდგენილი იქნება 10 ნომინანტი თავისი საქმიანობით/შემოქმედებით და დაჯილდოებული ორგანიზაციების მიერ.
ღონისძიებაზე წარმოდგენილნი და დაჯილდოებულები იქნებიან საზოგადოების სხვადასხვა სფეროს წარმომადგენლები, რომლებიც წლების მანძილზე თავიანთი პროფესიული საქმიანობით პოპულარიზაციას უწევენ ჩვენ ქვეყანას, მის ისტორიას, კულტურას.
ღონისძიებას დაესწრო როგორც სამთავრობო, ასევე დიპლომატიური კორპუსი, ბიზნეს სექტორი, საზოგადოების სხვადასხვა სფეროს წარმომადგენლები.
