საბაჟო გამშვებ პუნქტებში „სარფი“ და “სადახლო-საავტომობილო“ 20-25 აპრილს, ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე დათვალიერებისას, არადეკლარირებული 17 დასახელების სხვადასხვა მედიკამენტი, ასევე ნარკოტიკული ნივთიერება მარიხუანა (4,93 გრამი) აღმოაჩინეს.
მედიკამენტების საერთო საბაჟო ღირებულებამ 3354,9 ლარი შეადგინა.
„საქართველოს საგადასახადო კოდექსის 289-ე მუხლის მე-10 ნაწილის შესაბამისად, არადეკლარირებილი მედიკამენტების შემომტან მოქალაქეს სანქციის სახით ფულადი ჯარიმა 3354,9 ლარის ოდენობით შეეფარდა, ხოლო მარიხუანასთან დაკავშირებული საქმეთა მასალები, შემდგომი რეაგირების მიზნით, საქართველოს შინაგან საქმეთა სამინისტროს მარნეულის რაიონულ სამმართველოს გადაეცა“, – ნათქვამია ინფორმაციაში.
კომენტარები