პარლამენტის ვიცე-სპიკერი სოზარ სუბარი სპორტიდან სახელოვანი ძიუდოისტის ლუხუმ ჩხვიმიანის წასვლას სოციალურ ქსელში ეხმიანება და იმ დამსახურებაზე საუბრობს, რაც სპორტსმენს ქვეყნის წინაშე აქვს. განსაკუთრებით კი, იმ წვლილზე ისაუბრა, რაც მას ახალი თაობის ძიუდოისტების აღზრდაში მიუძღვის.
„დღეს სპორტულმა სამყარომ დიდი სპორტიდან გააცილა ჩვენი სახელოვანი ძიუდოისტი, მსოფლიოსა და ევროპის ჩემპიონი ლუხუმ ჩხვიმიანი. ლუხუმი, თავისი მიღწევებით და შრომისმოყვარეობით, მისაბაძი მაგალითია ახალგაზრდა თაობისთვის. აქტიური სპორტული ცხოვრების პარალელურად, ლუხუმი მონაწილეობდა ახალი თაობის ძიუდოისტების აღზრდაში, ასწავლიდა და მაგალითს აძლევდა მათ, როგორი უნდა იყოს ნამდვილი ჩემპიონი და კარგი ადამიანი. დარწმუნებული ვარ, დღეიდან იგი კიდევ უფრო გააძლიერებს მუშაობას ამ მიმართულებით.
ლუხუმ, ჩემო უმცროსო მეგობარო, წარმატებას გისურვებ ნებისმიერ ასპარეზზე, სადაც იქნები. დარწმუნებული ვარ, კიდევ ბევრჯერ ასახელებ ჩვენს სამშობლოს და ჩვენს მშობლიურ კუთხეს – სვანეთ“, – წერს სოზარ სუბარი.