ე.წ. ფოტორეპორტიორების საქმეზე სასამართლო სხდომა ზურაბ ქურციკიძის დაკითხვით განახლდება. პროცესამდე მან საზოგადოებრივს უამბო, თუ რა გარემოებებზე გაამახვილებს ყურადღებას სასამართლოს წინაშე.
მისი თქმით, 2011 წელს მასზე ფიზიკური და ფსიქოლოგიური ზეწოლა განხორციელდა. სანამ მოდულის შენობაში მიიყვანდნენ, თბილისისის ზღვის მიმდებარე ტერიტორიაზეც ჰყავდათ მიყვანილი. ქურციკიძის თქმით, მოდულის შენობაში მისი გაგუდვის მცდელობაც იყო, რათა მას არარსებული ჯაშუშობა ეღიარებინა. მას ჩვენებაში უნდა ეთქვა, რომ იყო იმ ქსელის შემქმნელი, რომლის მეშვეობით ფოტორეპორტიორები დანაშაულს ახორციელებდნენ.
ზურაბ ქურციკიძის განცხადებით, ამ ზეწოლაში მონაწილე ერთ-ერთი სწორედ დავით დევნოზაშვილი იყო, რომელიც ამ საქმეზე ბრალდებულია. მოწმის თქმით, ის დევნოზაშვილს პირველად სწორედ მოდულის შენობაში შეხვდა.
შეგახსენებთ, აღნიშნული საქმეზე დაზარალებულის სტატუსის მქონე ნათია და ირაკლი გედენიძეები უკვე დაიკითხნენ.