ბოსნია-ჰერცეგოვინის სასამართლომ, სერბთა რესპუბლიკის ლიდერის, მილორად დოდიკის დასაკავებლად საერთაშორისო ორდერი გასცა. დოდიკმა გასულ თვეს, სამართალდამცველებს სერბთა რესპუბლიკაში მოქმედების საშუალება არ მისცა, რის გამოც, ახლა ბოსნიის პროკურატურა მას კონსტიტუციის დარღვევაში, კერძოდ კი, 1995 წელს დამყარებულ, ომისშემდგომ წესრიგზე თავდასხმაში ადანაშაულებს.
მედიის ცნობით, მილორად დოდიკის მხრიდან, არაერთხელ ყოფილა მუქარა ბოსნია-ჰერცეგოვინიდან სერბთა რესპუბლიკის გამოყოფის შესახებ.
გასულ კვირას სასამართლომ დოდიკს ერთი წლით თავისუფლების აღკვეთა მიუსაჯა, 6 წლის განმავლობაში თანამდებობის დაკავების უფლება ჩამოართვა და ორ თანამოაზრესთან ერთად მისი დაკავების შიდა ორდერი გასცა. ორდერის მიუხედავად, დოდიკი ჯერ მეზობელ სერბეთში, შემდეგ კი ისრაელში გაემგზავრა.
კომენტარები