აშშ-ის მთავრობის ეფექტურობის დეპარტამენტის ხელმძღვანელმა, ილონ მასკმა ამერიკელ სენატორს, მარკ კელის, რომელიც უკრაინაში ვიზიტის შემდეგ კიევისთვის მხარდაჭერის გაგრძელების მოწოდებით გამოვიდა, მოღალატე უწოდა.
შეერთებული შტატების პრეზიდენტის უახლოესი მრჩევლის თქმით, ამერიკელი კანონმდებელი საკუთარი ქვეყნის ინტერესებზე მაღლა სხვა ქვეყნის ინტერესებს არ უნდა აყენებდეს.
მასკმა ასევე აღნიშნა, რომ უკვე წლებია ფრონტის ხაზზე, ათასობით ადამიანი უსაფუძვლოდ იღუპება და ის პატივს არ სცემს იმ პოლიტიკოსებს, რომლებიც ომის გახანგრძლივებას ემხრობიან.
„ვფიქრობ, ამერიკელი ადამიანი შეერთებული შტატების ინტერესებს სხვა ქვეყნის ინტერესებზე მაღლა უნდა აყენებდეს, და თუ ამას არ აკეთებს, მაშინ მოღალატეა. ჩემი აზრით, უკრაინაში მოლაპარაკებების საფუძველზე მშვიდობა იქნება. ჩვენ უნდა გვაღელვებდეს და ემპათიას განვიცდიდეთ იმ ათასობით ადამიანის მიმართ, რომლებიც ყოველდღე სანგრებში იღუპებიან, თანაც ისე, რომ ფრონტის ხაზზე არაფერი იცვლება. ყოველ კვირა ათასობით ადამიანი იღუპება არაფრის გულისთვის. ჩემთვის შეურაცხმყოფელია ის ხალხი, ვინც კეთილისმყოფლებად გვევლინებიან და ამ დროს რეალობაზე თვალს ხუჭავენ. ისინი, ვინც ამბობენ, რომ რუსეთს არ უნდა დავნებდეთ და ამ დროს არც გამოსავალი აქვთ, თუ როგორ შეწყვიტონ ათასობით ბავშვის მკვლელობა. მათ ამის სამუდამოდ გაგრძელება სურთ. მე მძულს ასეთი ხალხი. უკრაინაში მშობლები შვილებს კარგავენ და რისთვის? არაფრისთვის. პრეზიდენტ ტრამპის გეგმა არის ერთადერთი, რაც გაამართლებს“, – თქვა მასკმა.
