საქართველოს მოქალაქე, ირაკლი ბებუა, რომელსაც აფხაზეთის სეპარატისტულმა რეჟიმმა ცხრა წლით თავისუფლების აღკვეთა მიუსაჯა, 30 მარტს საპატიმროს დატოვებს, განაცხადა აფხაზეთის ე.წ. შინაგან საქმეთა მინისტრის მოვალეობის შემსრულებელმა, რობერტ კიუტმა.
„საგამოძიებო იზოლატორში მისი [ბებუას] ყოფნის ვადა 30 მარტს იწურება. შესაბამისად, ჩვენ ვალდებულები ვიქნებით ის გამოვუშვათ“, – თქვა კიუტმა.
როგორც მან დასძინა, იმის გამო, რომ აფხაზეთში სასჯელაღსრულების დაწესებულება არ არსებობს და არის მხოლოდ საგამოძიებო იზოლატორები, იზოლატორში გატარებული ერთი წელი ადამიანს ორ წლად ეთვლება.
ირაკლი ბებუა 2020 წლის 30 სექტემბერს დააკავეს. მას ბრალად აფხაზეთის ე.წ. დროშის დაწვა ედებოდა. მოგვიანებით მას ე.წ. სასამართლომ ცხრა წლით თავისუფლების აღკვეთა მიუსაჯა.
კომენტარები