რუსეთმა დნეპრზე დრონებით თავდასხმა მიიტანა, რის შედეგადაც 4 ადამიანი დაიღუპა, 19 კი დაიჭრა. ინფორმაციას უკრაინული მედია ავრცელებს.
დაჭრილებს შორის 27 წლის ორსული ქალია. 69 წლის ქალის და მამაკაცის მდგომარეობა მძიმეა.
რუსმა ოკუპანტებმა დნეპრზე მასირებული თავდასხმა ორ ათეულზე მეტი უპილოტო საფრენი აპარატის მეშვეობით განახორციელეს.
თავდასხმისა და აფეთქებების შედეგად ქალაქში რამდენიმე ადგილას ხანძარი გაჩნდა, დაზიანებულია რამდენიმე მაღალსართულიანი საცხოვრებელი სახლი. ხანძარი ასევე ათამდე კერძო სახლსა და სასტუმრო-რესტორანში გაჩნდა.
კომენტარები