იემენში აშშ-ის სამხედრო ავიაციის იერიშებს ერთი ადამიანი ემსხვერპლა, ოთხი კი დაშავდა. გავრცელებული ინფორმაციით, აშშ-ის სამხედრო თვითმფრინავებმა დარტყმები „ჰუსიტების“ მიერ კონტროლირებად ტერიტორიაზე, სხვადასხვა ადგილას განახორციელეს.
ავიაიერიშების მთავარი სამიზნე ქალაქი საადა გახდა, ასევე საჰარის რაიონი ქალაქის მახლობლად.
ადგილობრივი მედია წერს, რომ იემენის დედაქალაქ სანაზე და კიდევ რამდენიმე ადგილზე, ჯამში, 36 დარტყმა განხორციელდა.
აშშ-ის სამხედრო ოპერაციის სავარაუდო ხელშეწყობისთვის იემენელი შიიტი „ჰუსიტები“ არაბთა გაერთიანებულ საამიროებს დაემუქრნენ. დაჯგუფების განცხადებაში აღნიშნულია, რომ აშშ-ის სამხედრო ოპერაციის ნებისმიერი სახით დახმარება უპასუხოდ არ დარჩება და აბუ დაბი და დუბაი „ჰუსიტების“ მხედველობის არეალში იქნება.
კომენტარები