“ბატონი მასკისა და მისი ჯგუფის ძალისხმევა, რომელიც ხარჯების კონტროლისკენაა მიმართული, ისტორიაში ყველაზე მნიშვნელოვანია”

რესპუბლიკელმა სენატორმა ჯონ კენედიმ DOGE-ს საქმიანობას Fox News-ის ეთერში „ისტორიაში ყველაზე მნიშვნელოვანი“ მისია უწოდა.

„ბატონი მასკისა და მისი ჯგუფის ძალისხმევა, რომელიც ხარჯების კონტროლისკენაა მიმართული, ისტორიაში ყველაზე მნიშვნელოვანია. ჩემს კოლეგებს-დემოკრატებს ურჩევნიათ, რომ ჩვენ ვიკითხოთ, ვინ უნდა გადაიხადოს მეტი გადასახადი. ამერიკელ ხალხს სურს, რომ ჩვენ ვიკითხოთ, სად წავიდა ფული. ბატონმა მასკმა ჩვენ დაგვანახა, რომ ფულის დიდი ნაწილი ფუჭად იყო დახარჯული“, – განაცხადა კენედიმ.

მისი თქმით, ხარჯვის საკითხში ბაიდენის საყვარელი სიტყვა იყო – „მეტი“.

კენედის თქმით, ფასების დაწევის და ინფლაციის კონტროლი შეუძლებელია ეკონომიკის დერეგულაციის გარეშე.