რუსეთის არმია მომდევნო კვირებში ახალი სამხედრო შეტევისთვის ემზადება, რომლის მიზანი უკრაინაზე მაქსიმალური ზეწოლის მოხდენა და მოლაპარაკებებში პოზიციების გაძლიერებაა, – ამის შესახებ სტატიას „ესოშიეთიდ პრესი“ აქვეყნებს.
უკრაინაში აცხადებენ, რომ ამ ნაბიჯმა შეიძლება მისცეს რუსეთის პრეზიდენტს, ვლადიმერ პუტინს ყველა საფუძველი, გადადოს დისკუსიები ბრძოლის შეჩერების შესახებ მეტი მიწის დაპყრობის სასარგებლოდ.
გაზაფხულის აქტიური ბრძოლის პერიოდის მოახლოებასთან ერთად, ანალიტიკოსები და სამხედრო მეთაურები მიუთითებენ ფართომასშტაბიანი შეტევის შესაძლებლობაზე 1 000 კილომეტრის სიგრძის ფრონტის ხაზზე.
უკრაინის პრეზიდენტმა, ვოლოდიმირ ზელენსკიმ დაზვერვის მონაცემებზე დაყრდნობით განაცხადა, რომ ემზადება ახალი თავდასხმებისთვის ჩრდილო-აღმოსავლეთ უკრაინაში – სუმის, ხარკოვისა და ზაპოროჟიის რეგიონებში.
„ისინი ამზადებენ შეტევით მოქმედებებს ფრონტზე, რომელიც უნდა გაგრძელდეს ექვსიდან ცხრა თვემდე, თითქმის მთელი 2025 წლის განმავლობაში“, – თქვა უკრაინელმა სამხედრო ანალიტიკოსმა, ოლექსი ჰეტმანმა.