მიანმარში მიწისძვრის შედეგად დაღუპულთა რაოდენობამ 1640-ს გადააჭარბა, დაშავებულია 3400-ზე მეტი ადამიანი, 139 მოქალაქე დაკარგულად ითვლება.
განახლებულ მონაცემებს ქვეყნის სამხედრო ხელმძღვანელობა ავრცელებს.
ეპიცენტრთან ყველაზე ახლოს მდებარე მიანმარის სიდიდით მეორე ქალაქ მანდალაიში დანგრეული და დაზიანებულია 1500-ზე მეტი საცხოვრებელი სახლი.
სტიქიის ზონაში დანგრეულია ხიდები და გზები.
ადგილზე სამძებრო-სამაშველო სამუშაოები გრძელდება.
მიწისძვრის ეპიცენტრი ქვეყნის სიდიდით მეორე ქალაქი მანდაილაისგან 17 კილომეტრში მდებარეობდა.
მიანმარში7.7 და 6,4 მაგნიტუდის სიმძლავრის მიწისძვრა 28 მარტს მოხდა. ბიძგები იგრძნობოდა ტაილანდსა და ჩინეთის სამხრეთ-დასავლეთ პროვინცია იუნანშიც.
მიწისძვრის შედეგად ტაილანდის დედაქალაქ ბანგკოკში მშენებარე ცათამბჯენი ჩამოინგრა. ადგილზე სამაშველო ოპერაცია მიმდინაებს. სავარაუდოდ ნანგრევებში მოყოლილია სულ მცირე 50 მუშა.