მედიაჰოლდინგ “რეპორტიორის” დამფუძნებელი, ჟურნალისტი გიორგი მამაცაშვილი სოციალურ ქსელში პოსტს აქვეყნებს.
”მთელი კვირის განმავლობაში ვუყურებთ და ვუსმენთ საპარლამენტო საგამოძიებო კომისიის სხდომებს.
რამდენიმე საქმის ირგვლივ იყო მსჯელობა ჯერ-ჯერობით.
გამოკითხულთა თუ დაკითხულთა შორის იყვნენ მწამებელთა (“ნაციონალური მოძრაობის”) ხელისუფლების ყოფილი მაღალჩინოსნები, სამხედროები.
რამდენიმემ თავი აარიდა სხდომაზე გამოცხადებას და რასაც მოიგებენ, არავის გაუყონ.
🔸მაგალითად, მიხეილ ქარელმა პირდაპირ ფსიქიატრიულის პაციენტად გამოაცხადა მიხეილ სააკაშვილი, ირაკლი ოქრუაშვილმა თავი აარიდა კომისიის კითხვებზე პასუხის გაცემას, მევახშე მამუკა ხაზარაძემ – ლეგიტიმურად არ ვთვლი ამ საპარლამენტო კომისიასო, განაცხადა, კომკავშირული ბრიგინგი ჩაატარა და “საკუთარი” ტელევიზიის ჟურნალისტების ზურგს ამოეფარა.
🔸ზაზა გოგავამ – მოსახლეობის გაფრთხილება ვერ მოვასწარი აგვისტოს ომის დღეებშიო, – თითქოს ნანობდა, ისეთი პათოსით თქვა და მერე ისეთი “ძველბიჭური” დაიჭირა, ჯაბა იოსელიანი საფლავში ამოტრიალდა.
🔸მამუკა ყურაშვილმა – სააკაშვილმა ბრიყვი კი მიწოდა, მაგრამ არ ვარ ბრიყვიო და გულში ისეთები შეუკურთხა ყოფილ მთავარსარდალს, ქარელსაც შეშურდებოდა.
🔸ეკა კვესიტაძის შოთა უტიაშვილს გადაუარეს საკუთარმა თანაპარტიელებმა და ეჭვი მაქვს, როცა დრო მოვა, ან ბლუყუნით წარდგება კომისიის წინაშე, ან პროკურატურა გადაილოცავს მის საქმეს.
🔸მამუკა ხაზარაძისა და ზურაბ ადეიშვილის მიერ სისტემურად ნაწამებმა და გამწარებულმა ბიზნესმენმა დეტალურად გაიხსენა ჯალათური ცხრაწლიანი პერიოდის პერიპეტიები და ერთი წამით არ მეპარება ეჭვი, იმ წუთებში ხაზარაძე “საბას” ქანდაკებით ამტვრევდა კაკალს.
🔸გრიშა ვაშაძეს არც კომისიის სხდომაზე მოუხდია ბოდიში, ერთ-ერთ აქციაზე პოლიციელს ხელი რომ გაარტყა!
არც ის უთქვამს, წლების წინ რუსული კულტურის ნაწილად რომ თვლიდა თავს, რას ფიქრობს ამაზე დღეს?!
🔸გოგა ხაინდრავამ, გია ვოლსკიმ და ირაკლი ბათიაშვილმა ღირსეულად დააფიქსირეს საკუთარი პოზიცია და არც გვარების დასახელებას მორიდებიან!
საპარლამენტო კომისიის წევრებს სოზარ სუბარს, ალექსანდრე ტაბატაძეს, გურამ მაჭარაშვილს და სხვებს მაგარი ნერვები ჰქონიათ, ზოგიერთი გარეწრის საუბარს რუდუნებით რომ
ისმენდნენ და კითხვებსაც სკულპრუოზული სიზუსტით სვამდნენ.
არ ვიცი, კიდევ ვის და როდის მოუწევს საპარლამენტო საგამოძიებო კომისიის წინაშე წარდგომა, მაგრამ რასაც ბოლო დღეების განმავლობაში ვუყურებთ და ვისმენთ, სრული საფუძველი გვაქვს, ვიფიქროთ, რომ “ნაციონალური მოძრაობის”, როგორც პოლიტიკური და ჯალათური წარმონაქმნის დღეები დათვლილია და აღარა აქვს მნიშვნელობა, რა განაჩენს გამოიტანს ქართული “ნიურნბერგის სასამართლო”, – ქართველმა ხალხმა ლიაკა ხოშტარიას, გრიშა და გიორგი ვაშაძეების, ნიკა გვარამიას, ზურაბ ადეიშვილის, გიგი უგულავას და სხვა გარეწართა დანაშაულთა აკინძვა 2012 წლის 1 ოქტომბერს დაასრულა, როცა პოლიტიკური განაჩენი საარჩევნო დღეს გამოუტანა.
ახლა საუბარი მარტოდენ სამართლიანობის აღდგენაზეა, თორემ დამნაშავეს ჭილოფშიც ცნობს ხალხი.
წერილის ბოლოსთვის შემოვიტოვე მთავარი:
ე.წ. ლიბერტანიანელთა სექტის მხრიდან ამდენი სიბინძურისა და ე.წ. ბულინგის მცდელობის მიუხედავად, ცილისწამებათა კორიანტელის კვალდაკვალ და ბრმათა და ყრუთა გასაგონად ვამბობ:
ბრავო საპარლამენტო საგამოძიებო კომისიის თავმჯდომარეს!
ბრავო თეა წულუკიანს!
ბრავო პირდაპირობისთვის, მიუკერძოებლობისთვის, პრინციპულობისთვის, ყველაფრისთვის და ყველასთვის თავისი სახელის დარქმევისთვის!
P.S.
ვისაც გულზე მოგხვდებათ თეა წულუკიანისა და კომისიის წევრთა ჩემეული შეფასება, ღმერთმა თემურ იაკობაშვილში მოგახმაროთ მიხეილ სააკაშვილის, ვანო მერაბიშვილისა და ახალაიების სამართალი!
უცენზურო კომენტარებს, რა თქმა უნდა, ვშლი და არც პოლემიკით ვაპირებ ვინმესთან ნერვების შლას.
განწყობა საბოლოოა და “გასაჩივრებას” არ ექვემდებარება!”