ტელეკომპანია “იბერიამ” ე.წ. ციანიდის საქმეში მონაწილე სასულიერო პირის მამა დავით ჭინჭარაულის ძმას, მამა კონსტანტინე ჭინჭარაულს ესაუბრა, რომელიც მცხეთის მონასტრის წინამძღვარია.
მამა კონსტანტინე არ გამორიცხავს, რომ შესაძლოა დაკავებული დეკანოზი გიორგი მამალაძე შორენა თეთრუაშვილის გარდა, სხვა პირების მოწამვლასაც გეგმავდა.
ჭინჭარაული ამტკიცებს, რომ დეკანოზს თეთრუაშვილის კი არა, პატრიარქის მოკვლა სურდა.
“ამ ჩანაწერებიდანაც ჩანს, რომ მას სხვა გეგმები ჰქონდა. ისე ამბობს მამალაძე ჩანაწერში, ის ტკბილს არ ჭამსო, პატრიარქი არ ჭამს ტკბილს საპატრიარქოში, იმიტომ, რომ შაქარი აქვს. რათ უნდ ამაგას დიდი ფილოსოფია. შორენა თეთრუაშვილის გამო ვინ წავიდოდა ბერლინში და ციანიდს ვინ წაიღებდა. ეგ არის სისულელე. მერე ხო ამბობს ვინ გაკვეთავსო. ვინ გაბედავდა პატრიარქის გაკვეთას?! რეალურად პატრიარქის მოწამვლა უნდოდა”, – აცხადებს კონსტანტინე ჭინჭარაული.
ე.წ. ციანიდის საქმეზე გამოძიებამ მამა დავით ჭინჭარაული მარტში დაკითხა.