ამბობ, რომ არ სცემ პატივს ქართულ კანონმდებლობას, არ მიდიხარ კომისიაზე, მაგრამ მერე იძულებული ხდები რომ გეშინია დაჭერის და შენ მიერ აღიარებულ არალეგიტიმურ სასამართლოში მიდიხარ, – განაცხადა გადაცემა „იმედის კვირაში“ „ხალხის ძალის“ აღმასრულებელმა მდივანმა გურამ მაჭარაშვილმა მამუკა ხაზარაძე საუბრისას.
„ეს მეტყველებს იმაზე, რომ არათანმიმდევრული და არაგულწრფელი ხარ, თან შორსმჭვრეტელობის არაფერი არ გემჩნევა. შესაბამისად გამოდის, რომ პოლიტიკა შენი საქმე არ არის.
ჩვენ არაერთხელ გვითქვამს, რომ ხაზარაძის პოლიტიკაში მოსვლა უკავშირდებოდა ზუსტად იმას, რომ თავისი ბიზნესი და თავისი თავი როგორმე გადაერჩინა იმ თაღლითური სქემებისგან, რაც მერე გამოჩნდა. როგორ დავიჯერო, რომ ერთი საათით მოსვლა კომისიაზე უფრო პრობლემაა, ვიდრე რამდენიმე საათი, თუ რამდენიმე დღით მერე პროკურატურაში და სასამართლოში სიარული. რაც მთავარია სისხლის სამართლის დანაშაულის ჩადენა და სისხლის სამართლებრივი დევნის დაწყება შენს წინააღმდეგ“, – აღნიშნა გურამ მაჭარაშვილმა