იტალიის პრემიერ-მინისტრმა, ჯორჯია მელონიმ დონალდ ტრამპის მიერ გამოცხადებულ ტარიფებს არასწორი უწოდა.
მისივე თქმით, ამან შესაძლოა, სავაჭრო ომი გამოიწვიოს.
„ჩვენ ყველაფერს გავაკეთებთ, რომ ვიმუშაოთ შეერთებულ შტატებთან შეთანხმების მისაღწევად, რათა თავიდან ავიცილოთ სავაჭრო ომი, რომელიც აუცილებლად დაასუსტებს დასავლეთს სხვა გლობალური აქტორების სასარგებლოდ“, – განაცხადა მელონიმ.
აშშ-ის პრეზიდენტის, დონალდ ტრამპის მიერ სხვადასხვა ქვეყნისთვის დაწესებული ტარიფები 10%-იდან 49%-მდეა. ამასთან, ტრამპმა ევროკავშირს – 20%-იანი, დიდ ბრიტანეთს კი 10%-იანი ტარიფები დაუწესა. როგორც აშშ-ის პრეზიდენტმა აღნიშნა, ტარიფები აშშ-ს ეკონომიკის აღდგენაში დაეხმარება. ასევე, ტრამპმა 25%-იანი ტარიფი დააწესა უცხოური წარმოების ყველა ავტომობილზე.
კომენტარები