აშშ-ის სახაზინო მდივანი სკოტ ბესენტი ქვეყნებს აფრთხილებს, რომ დონალდ ტრამპის მიერ დაწესებულ ახალ ტარიფებს არ უპასუხონ. ამის შესახებ „ბიბისი“ წერს.
„ჩემი რჩევა ყველა ქვეყნისთვის ამჟამად არის: არ მიიღოთ საპასუხო ზომები. დაელოდეთ, გაიაზრეთ სიტუაცია, ვნახოთ, როგორ განვითარდება მოვლენები. რადგან თუ საპასუხო ზომებს მიიღებთ, ესკალაცია მოხდება. თუ საპასუხო ზომებს არ მიიღებთ, ეს იქნება ყველაზე მაღალი ნიშნული“,- განაცხადა ბესენტმა.
აშშ-ის პრეზიდენტის, დონალდ ტრამპის მიერ სხვადასხვა ქვეყნისთვის დაწესებული ტარიფები 10%-იდან 49%-მდეა. ამასთან, ტრამპმა ევროკავშირს – 20%-იანი, დიდ ბრიტანეთს კი 10%-იანი ტარიფები დაუწესა. როგორც აშშ-ის პრეზიდენტმა აღნიშნა, ტარიფები აშშ-ს ეკონომიკის აღდგენაში დაეხმარება. ასევე, ტრამპმა 25%-იანი ტარიფი დააწესა უცხოური წარმოების ყველა ავტომობილზე.