ავსტრიის ეკონომიკის მინისტრმა, ვოლფგანგ ჰატმანსდორფერმა განაცხადა, რომ ევროკავშირის საპასუხო ზომები დონალდ ტრამპის მიერ დაწესებულ ტარიფებზე „რესპუბლიკელების“ მიერ მართულ შტატებს უნდა მოიცავდეს.
„ჩვენ „რესპუბლიკურ“ შტატებს უნდა დავარტყათ, დონალდ ტრამპის მეგობრებს, ტექნოლოგიურ კომპანიებს უნდა დავარტყათ“, – აღნიშნა ავსტრიის ეკონომიკის მინისტრმა.
აშშ-ის პრეზიდენტმა, დონალდ ტრამპმა ოთხშაბათს განაცხადა, რომ აშშ ყველა ქვეყანას საპასუხო ტარიფებს დაუწესებს.
აშშ-ის ადმინისტრაციის მიერ დაწესებული ტარიფები შემდეგნაირად გამოიყურება: ევროკავშირი 20%, ვიეტნამი 46%, ტაივანი 32%, იაპონია 24%, ინდოეთი 26%, სამხრეთ კორეა 25%, ტაილანდი 36%, ჩინეთი 34% და ა.შ.
„აშშ ვერ გააგრძელებს ეკონომიკური დათმობის ცალმხრივ პოლიტიკას. ჩვენ უნდა ვიზრუნოთ ჩვენს ხალხზე და უპირველეს ყოვლისა, ჩვენს ხალხზე უნდა ვიზრუნოთ“, – აღნიშნა დონალდ ტრამპმა.