ნატოს გენერალურმა მდივანმა, მარკ რუტემ განაცხადა, რომ აშშ ალიანსის ერთგული რჩება.
„არ არსებობს გეგმები [ნატოდან] გასვლის შესახებ ან მსგავსი რამ. ჩვენ ვიცით, რომ აშშ ნატოს ერთგულია“, – განუცხადა რუტემ ჟურნალისტებს ნატოს საგარეო საქმეთა მინისტრების შეხვედრებამდე.
რუტემ აღნიშნა, რომ ესმის შეერთებული შტატების სურვილი, ფოკუსირება მოახდინოს მსოფლიოს სხვა ნაწილებზე, მათ შორის ინდო-წყნარი ოკეანის რეგიონზე.
„ვფიქრობ, ჩვენი საერთო ინტერესია, რომ შევძლოთ ამ პლანეტის სტაბილურობის შენარჩუნება“, – დასძინა მან.
კომენტარები