მისი და ამ გაერთიანების მცდელობა, რომ აიყოლიოს საზოგადოების გარკვეული ნაწილი, უარი განაცხადონ არჩევნებში მონაწილეობაზე, არჩევნებში ჩართვაზე, ეს არის დემოკრატიული პროცესებისაგან გამოთიშვა მთლიანად, – განაცხადა საპარლამენტო უმრავლესობის წევრმა გიორგი სოსიაშვილმა მამუკა ხაზარაძის თაობაზე, რომელიც პროტესტს აცხადებს ადგილობრივ არჩევნებთან დაკავშირებით და ამუნათებს კოლეგებს, ვინც ამაში მიიღებს მონაწილეობას.
როგორც სოსიაშვილმა აღნიშნა, მამუკა ხაზარაძეს არ აქვს საზოგადოების იმედი, ვინაიდან ვინ არის ის ძალიან კარგად იცის ხალხმა და ეს არის მორიგი უშედეგო მცდელობა მისი მხრიდან რაიმე ახალი ნაბიჯების გადადგმის, საზოგადოებაში განხეთქილების შეტანის და ტემპერატურის ერთგვარი აწევის.
„მათ არ აქვთ არანაირი იმედი ჩვენი საზოგადოების. მათ რა შედეგიც მიიღეს მიუხედავად ამდენი დაფინანსებისა, აგენტურული ქსელის საქმიანობის და სხვადასხვა ფონდებიდან წამოსული თანხების მიუხედავად, მათ ვერ შეძლეს ვერანაირი შედეგის მიღწევა, იმიტომ, რომ ქართული საზოგადოება ძალიან კარგად ხედავს რა ძალებთან გვაქვს საქმე და ესეც მორიგი მცდელობაა. წინასწარვე იცის მან, რომ წარუმატებელი იქნება მათი რაიმე ფორმით ჩართულობა, იმიტომ, რომ საზოგადოებამ ყველაფერს თავისი სახელი დაარქვა. ვინ არის ბატონი ხაზარაძე ძალიან კარგად იცის ჩვენმა ხალხმა და ჩვენ ხალხს ვერავინ ვერ მოატყუებს რაიმე კუთხით.
ასე, რომ ეს მე ვფიქრობ უშედეგო მცდელობა არის მისი მხრიდან რაიმე ახალი ნაბიჯების გადადგმის, საზოგადოებაში განხეთქილების შეტანის და ტემპერატურის ერთგვარი აწევის“, – განაცხადა გიორგი სოსიაშვილმა.