აშშ-ში, კომპანია JetBlue-ს თვითმფრინავის შასის განყოფილებაში ნაპოვნი ორი ცხედრის ვინაობა დნმ-ის ტესტის მეშვეობით, თითქმის სამი თვის შემდეგ დაადგინეს. ინფორმაციას cbsnews-ი ავრცელებს.
მედიის ცნობით, დნმ-ის ტესტირებამ დაადგინა, რომ ფორტ-ლოდერდეილის აეროპორტში, JetBlue-ს თვითმფრინავში ნაპოვნი ცხედრები 18 წლის ჯეიკ ანილუზი ლუსის და 16 წლის ელვის ბორკეს კასტილოს ეკუთვნით.
შერიფის განმარტებით, გარდაცვლილების ვინაობის დასადგენად დნმ-ის ვრცელი ტესტირება ჩატარდა.
თვითმფრინავის შასის განყოფილებაში ორი უბილეთო მგზავრის ცხედრები 6 იანვარს იპოვეს. მათი ეროვნება ამ დრომდე არ კონკრეტდება, მაგრამ განმარტებულია, რომ ისინი იამაიკის მოქალაქეები არ არიან. ცხედრების აღმოჩენის დროს, თვითმფრინავი იამაიკიდან აშშ-ში იყო ჩასული.
კომენტარები