კულტურის მინისტრის მოადგილე, ბექა დავითულიანი მედიასთან აცხადებს, რომ გელათში წყალი აღარ ჩადის. როგორც ბექა დავითულიანმა აღნიშნა, გელათი შემდგომი რეაბილიტაციისთვის მზადაა.
„ძალიან მაღალკვალიფიციურმა ექსპერტებმა შეიმუშავეს მეთოდოლოგია საპატრიარქოს დახმარებით, თუ რა მეთოდით შეიძლებოდა ამ პრობლემების აღმოფხვრა. დღეს გელათში წყალი აღარ ჩადის და გელათი მომზადდა შემდგომი რეაბილიტაციისთვის.
იმედი გვაქვს, საქართველოსა და მსოფლიოსთვის ამ მნიშვნელოვან ძეგლს დავუბრუნებთ ძველ, თავის პირვანდელ სახეს ისე, რომ მას ათწლეულების განმავლობაში პრობლემა აღარ შეექმნება“, – აღნიშნა ბექა დავითულიანმა.
ქუთაისში, გელათის მონასტრის კედლის მხატვრობისა და მოზაიკის საკონსერვაციო პროგრამების განხორციელებასთან დაკავშირებული ღონისძიება გაიმართა.
კომენტარები