ამერიკის ვიცე-პრეზიდენტმა საფრანგეთის ულტრამემარჯვენე პარტიის, „ეროვნული გაერთიანების“ ლიდერს, მარინ ლე პენს მხარდაჭერა გამოუცხადა. როგორც ჯეი დი ვენსმა აღნიშნა, ის, რაც მარინ ლე პენის წინააღმდეგ კეთდება, დემოკრატია არ არის.
„ზოგიერთ გამოკითხვაში ლიდერობის გამო, უმნიშვნელო ბრალდების საფუძველზე, რომელიც მის თანამშრომლებს უკავშირდება და არა თავად მარინ ლე პენს, ცდილობენ მის ციხეში ჩასმას, არჩევნებიდან მოხსნას. ეს არ არის დემოკრატია“, – განაცხადა ვენსმა.
ლე პენი რამდენიმე დღის წინ სასამართლომ ევრო კავშირის სახსრების არა მიზნობრივი ხარჯვის საქმეზე დამნაშავედ ცნო. პოლიტიკოსს 4 წლით თავისუფლების აღკვეთა მიუსაჯეს, აქედან ორი წელი შინაპატიმრობა, ორი კი პირობითი სასჯელია. მას ასევე 5 წლით აეკრძალა თანამდებობის დაკავება.
კომენტარები