საპარლამენტთაშორისო კავშირის 150-ე ასამბლეაზე პარლამენტის თავმჯდომარის სხვადასხვა ქვეყნის პარლამენტის წარმომადგენლებს მიმართავს იმ გეგმებისა და პრიორიტეტების შესახებ, რომელიც საქართველოს აქვს, – ამის შესახებ პარლამენტის გარემოს დაცვის კომიტეტის თავმჯდომარემ, მაია ბითაძემ განაცხადა.
მისი თქმით, მნიშვნელოვანი იქნება ორმხრივი ფორმატებიც, რომლებზეც საქართველოს მთავარი გზავნილი გაჟღერდება – ქვეყნის დემოკრატიული განვითარება და სამომავლო ინტეგრაცია განვითარებულ მსოფლიოში.
„საპარლამენტთაშორისო კავშირის 150-ე ასამბლეაზე საქართველოს პარლამენტის თავმჯდომარის გამოსვლას მოვისმენთ. ის სხვადასხვა ქვეყნის პარლამენტის წარმომადგენლებს მიმართავს იმ გეგმებისა და პრიორიტეტების შესახებ, რომელიც საქართველოს აქვს. ასევე მნიშვნელოვანი იქნება, ორმხრივი ფორმატები. ბუნებრივია, ყველა ამ შეხვედრაზე ის მთავარი გზავნილი გაჟღერდება, რაც ჩვენი ქვეყნის დემოკრატიული განვითარება და სამომავლო ინტეგრაციაა განვითარებულ მსოფლიოში. ჩვენთვის ამ ფორმატის გამოყენება მნიშვნელოვანია იმისთვის, რომ ჩვენი ქვეყნის გზავნილი იყოს პარლამენტარებამდე“, – განაცხადა მაია ბითაძემ.
საქართველოს პარლამენტის თავმჯდომარის, შალვა პაპუაშვილის ხელმძღვანელობით, საპარლამენტო დელეგაცია 5-8 აპრილს საპარლამენტთაშორისო კავშირის (IPU) 150-ე ასამბლეის მუშაობაში მიიღებს მონაწილეობას, რომელიც უზბეკეთის დედაქალაქ ტაშკენტში გაიმართება.