“პროცედურის შემდეგ ჩვენს საზოგადოებაში პოლიტიკურ “ქვეწარმავალთა“ სრიალს გარდა ესთეტიკური და ვიზუალური უსიამოვნებისა, რაიმე ფატალური საფრთხე აღარ ექნება”

პარტია „ხალხის ძალის“ წევრი დავით ქართველიშვილი სოციალურ ქსელში ახალ საკანონმდებლო ცვლილებებს ეხმიანება, რომლის მიხედვითაც უცხოური დონორის მიერ გრანტის გაცემის წესი დარეგულირდება. ექსპერტი აღნიშნავს, რომ ცვლილებების შედეგად ევრობიუროკრატები ვეღარ ჩაატარებენ სემინარებსა და სხვადასხვა ტიპის ანტისახელისუფლებო სწავლებების ჩატარებას ახალგაზრდებისთვის.

„ამ ყველაფერს უკვე გამოცდილი ანტიკორუფციული ბიურო გააკონტროლებს, რომლის შექმნის აუცილებლობას ასე დაჟინებით მოითხოვდნენ ჩვენგან ევრობიუროკრატები და ამისთვის მათ დიდი მადლობა“- წერს ექსპერტი და განმარტავს, რომ ახალი რეგულაციების მიხედვით უნებართვოდ გრანტის შემოტანისა და ამ გრანტით სარგებლობის შემთხვევაში, გრანტის მიმღებ პირს ან ორგანიზაციას ჯარიმა დაეკისრება.

„Milking a snake – ანუ, გველის შხამის ექსტრაქცია. ასე დავარქმევდი პარლამენტის მიერ დაინიცირებულ ცვლილებებს. ამ პროცედურის შემდეგ, ჩვენს საზოგადოებაში პოლიტიკურ „ქვეწარმავალთა“ სრიალს გარდა ესთეტიკური და ვიზუალური უსიამოვნებისა, რაიმე საშიში და ფატალური საფრთხე აღარ ექნება. ვერც უნებართვოდ შემოიტანენ აქ გრანტებს და ისარგებლებენ ამ ფინანსებით, ხოლო თუ ვინმე გაბედავს, ორმაგი ჯარიმების გადახდა მოუწევთ და ვერც ლექციებით, სემინარებით თუ ტრენინგებით მოგვიშხამავენ ახალგაზრდებს, თავისი ვიწრო პოლიტიკური მავნებლური სწავლებებით. ამ ყველაფერს კი უკვე გამოცდილი ანტიკორუფციული ბიურო გააკონტროლებს, რომლის შექმნის აუცილებლობას ასე დაჟინებით მოითხოვდნენ ჩვენგან ევრობიუროკრატები და ამისთვის მათ დიდი მადლობა“, – წერს დავით ქართველიშვილი სოციალურ ქსელში.