ამერიკელი პროფესორი ჯეფრი საქსი აშშ-ს საბიუჯეტო დეფიციტის შესამცირებლად, სამხედრო ხარჯების შემცირებას სთავაზობს. ამის შესახებ კოლუმბიის უნივერსიტეტის მდგრადი განვითარების ცენტრის დირექტორმა ანტალიის დიპლომატიურ ფორუმზე განაცხადა.
„ჩვენ არ გვჭირდება გამალებული შეიარაღება და ომი. დიპლომატია ფაქტობრივად უფრო იაფია, ვიდრე ომი. სწორედ ამიტომ ვართ ანტალიის დიპლომატიურ ფორუმზე და არა ანტალიის სამხედრო ფორუმზე. ჩვენ გვაქვს თითქმის 800 სამხედრო ბაზა საზღვრებს გარეთ 80 ქვეყანაში. ეს სიგიჟეა. ასე რომ თუ პრეზიდენტ ტრამპს სურს ფულის დაზოგვა და საბიუჯეტო დეფიციტის აღმოფხვრა, მე მის ადგილზე დავხურავდი ასობით სამხედრო ბაზას და ყველა ამ ქვეყანას მშვიდობაში დავტოვებდი, რადგან სადაც ამერიკული ბაზაა, იქ დიდი თავის ტკივილია“, – განაცხადა საქსმა.
კომენტარები