“აიპრესი” გარდაცვლილის ბაღის მასწავლებელს ესაუბრა, რომლის განცხადებით ბავშვი 1 თვის უკან წვნიანის გადასხმით დაიწვა, რის შემდეგაც თბილისში, სავადმყოფოში იყო გადაყვანილი, სადაც რამდენიმე ხანში მომჯობინდა და თავს კარგად გრძნობდა, თუმცა 2 დღის უკან სავადმყოფოში გარდაიცვალა.
5 წლის ბავშვის გარდაცვალების ამბის შემდეგ, ბებიას ინფარქტი დაემართა და ისიც გარდაიცვალა.
“ჩვენი ინფორმაციით, როგორც გვიყვებიან, ბავშვს სახლში ცხელი წვნინი გადაესხა, ამის შემდეგ გადაყვანილი იყო თბილისში და იქ მკურნალობდა. დედამისთან კონტაქტი გვქონდა და გვეუბნებოდა, რომ ბავშვი უკეთ იყო და ალაპარაკებდნენ კიდეც. ჩვენც იმედი გვქონდა, რომ ბავშვი საბოლოოდ გამოკეთდებოდა, თუმცა 2 დღის უკან გავიგეთ რომ შუადღეს გარდაიცვალა.
ამის შემდეგ გაირკვა, რომ ბავშვის ამბის გაგების შემდეგ ბებიამ ინფაქტი მიიღო და ისიც გარდაიცვალა. ოჯახს 3 შვილი ყავს და დედა მეოთხე შვილზე არის ფეხმძიმედ. საშინელი ტრაგედია მოხდა, არავინ ველოდით. მით უმეტეს, როცა ბავშვის მდგომარეობა უკვე სტაბილური იყო”, – განაცხადა გარდაცვლილი გოგონას ბაღის მასწავლებელმა “აიპრესთან”.