მონტენეგროს დედაქალაქ პოდგორიცაში მიმდინარე ევროპის ჩემპიონატის მეორე საშეჯიბრო დღეს ეთერ ლიპარტელიანი (57 კგ) ფინალში გავიდა. ქართველმა ძიუდოისტმა ნახევარფინალში ისრაელის წარმომადგენელი ტიმნა ნელსონ ლევი დაამარცხა და ფინალში სერბსა და გერმანელ ძიუდოისტებს შორის გამარჯვებულს შეხვდება.
კონტინენტის პირველობაზე წინასწარი შეხვედრები თბილისის დროით 12:30 საათზე დაიწყო, ხოლო ფინალური ბლოკი 18:00 საათზე გაიმართება. ფინალურ ბლოკს პირდაპირ ეთერში საქართველოს პირველი არხი შემოგთავაზებთ.
შეგახსენებთ, რომ ევროპის ჩემპიონატის პირველ დღეს 21 წლის გიორგი სარდალაშვილი ოქროს მედლის მფლობელი გახდა.
კომენტარები