მოსკოვში 9 მაისს მეორე მსოფლიო ომში გამარჯვების მე-80 წლისთავისადმი მიძღვნილ აღლუმს ხუთი ევროპარლამენტარიც დაესწრება. ინფორმაციას გერმანული Spiegel-ი ავრცელებს.
გამოცემის ცნობით, 9 მაისს მოსკოვში იქნებიან გერმანელი დეპუტატები, ასევე, ევროპარლამენტარები ჩეხეთიდან, კვიპროსიდან და სლოვაკეთიდან, რომელთა ვინაობაც არ სახელდება.
მოსკოვში უკვე იმყოფებიან ჩინეთის, სერბეთის, ბრაზილიის, ვენესუელის, კუბის, მონღოლეთისა და ეკვადორის პრეზიდენტები. სლოვაკეთის პრემიერი-მინისტრი, რობერტ ფიცო აცხადებს, რომ ბალტიის ქვეყნებმა საჰაერო სივრცე ჩაუკეტეს.
ინდოეთის პრემიერ-მინისტრმა, ნარენდრა მოდიმ ვიზიტზე უარი პაკისტანთან გართულებული ვითარების გამო თქვა. მოსკოვში ჩასვლა გადაიფიქრეს აზერბაიჯანისა და ლაოსის ლიდერებმაც.
კომენტარები