ევროკომისიის პრეზიდენტი, ურსულა ფონ დერ ლაიენი აცხადებს, რომ ვაშინგტონში აშშ-ის პრეზიდენტთან, დონალდ ტრამპთან შესახვედრად მხოლოდ ტარიფების საკითხის განსახილველად ჩავა. ინფორმაციას Politico ავრცელებს.
ფონ დერ ლაიენი მიიჩნევს, რომ თეთრ სახლში სადავო საკითხზე მხოლოდ ისეთი კონკრეტული წინადადებით უნდა ჩავიდეს, რომელიც ორივე მხარისთვის იქნება მისაღები. მანამდე დონალდ ტრამპმა ურსულა ფონ დერ ლაიენს ფანტასტიკური ადამიანი უწოდა და მასთან შეხვედრის გამართვა არ გამორიცხა.
„ვფიქრობ, რომ კარგი საუბარი მქონდა ტრამპთან ტელეფონით და რომის პაპის დაკრძალვაზე. მაგრამ ჩემთვის მნიშვნელოვანია, რომ, თუ მე თეთრ სახლში ჩავალ, ხელთ უნდა მქონდეს პაკეტი, რის განხილვასაც შევძლებ. ამიტომაც, ის უნდა იყოს კონკრეტული, მუსრს მქონდეს გადაწყვეტილება, რომელსაც ორივეს თანხმობით მივიღებთ“, – თქვა ევროკომისიის პრეზიდენტმა.