თბილისში, რატის ბარში მოკლულ ახალგაზრდას, ხვალ მშობლიურ სოფელში დაკრძალავენ.
ყვარლის მუნიციპალიტეტის სოფელ გავაზში, ადგილობრივები პრაიმტაიმთან საუბარში ამბობენ, რომ ეს სოფლისთვის დიდი ტრაგედიაა.
„დიდი ტრაგედიაა სოფლისთვის ასეთი ახალგაზრდების სიკვდილი. სკოლა აქ დაამთავრა და მერე თბილისში წავიდნენ. ნიჭიერი, წესიერი ბიჭი ასე სასტიკად მოგვიკლეს. მთელ ოჯახს ვიცნობ კარგად, მაგის პაპასაც კი. ეგ არავის არაფერს დაუშავებდა. ხვალ იქნება დაკრძალვა, სიტყვებიც აღარ მაქვს. სოფლის ახალგაზრდობაც დაზაფრულია მომხდარით“, – ამბობს ერთ-ერთი ადგილობრივი.
ყვარლის მუნიციპალიტეტის სოფელ გავაზის მცხოვრები, 18 წლის ალეკო შაკიაშვილი თბილისში, „რატის ბარში“ 11 მაისს მოკლეს.
მკვლელობის ფაქტზე, პოლიციამ ორი პირი დააკავა. მათგან ერთი, 36 წლის ივანე გიგლემიანი, წარსულში სხვადასხვა მძიმე და განსაკუთრებით მძიმე დანაშაულებისთვის არის ნასამართლევი.