საქართველოსთვის მნიშვნელოვანია, რომ ახალი პაპის ინაუგურაციის ცერემონიის მონაწილე საქართველოს პრეზიდენტიც იქნება, – ამის შესახებ საქართველოს საგარეო საქმეთა მინისტრმა, მაკა ბოჭორიშვილმა რომში განაცხადა.
მისი თქმით, ინაუგურაციის ცერემონიაში მაღალი დონის სტუმრები მიიღებენ მონაწილეობას.
„ახალი პაპის ინაუგურაციის ცერემონიაში მაღალი დონის სტუმრები მიიღებენ მონაწილეობას. საქართველოსთვის მნიშვნელოვანია, რომ საქართველოს პრეზიდენტიც იქნება ამ მოვლენის მონაწილე. ჩვენ დავესწრებით ამ დიდ ცერემონიას, რომელიც ვატიკანში გაიმართება“, – განაცხადა მაკა ბოჭორიშვილმა.
საქართველოს პრეზიდენტი მიხეილ ყაველაშვილი რომში იმყოფება, სადაც 18 მაისს, მეუღლესთან ერთად, ვატიკანში რომის ახალი პაპის, ლეო XIV-ის ინაუგურაციას დაესწრება.
კომენტარები