კანის კინოფესტივალზე Canal+-თან საუბრისას ჰოლივუდის ვარსკვლავმა, ნატალი პორტმანმა წლის მთავარი საკლუბო მატჩის შესახებ თავისი აზრი დააფიქსირა. პორტმანის თქმით, ჩემპიონთა ლიგის ფინალში „პარი სენ-ჟერმენი“ მილანის „ინტერს“ დაამარცხებს.
„პსჟ ამას შეძლებს. გუნდი ახლა უფრო ძლიერია, ვიდრე ოდესმე. ყველაფერი, რაც ფეხბურთზე ვიცი, ჩემმა შვილმა, 13 წლის ალეფმა მასწავლა. მისი თქმით, პსჟ-დან სუპერვარსკვლავების წასვლამ ახალგაზრდა მოთამაშეებს გზა გაუხსნა. ისინი კი ისე გუნდურად თამაშობენ, როგორც არასდროს. ამიტომაც ვფიქრობ, რომ ლიგის მოგებას შეძლებენ. პასუხი 31 მაისს იქნება“, – განაცხადა მსახიობმა.
2025 წლის ჩემპიონთა ლიგის ფინალში „პარი სენ-ჟერმენი“ იტალიურ გრანდს 31 მაისს დაუპირისპირდება. მატჩს მიუნხენი უმასპინძლებს.
მსახიობს პსჟ-თან დიდი კავშირი აქვს. ნატალი პორტმანმა პარიზში გამართულ 2024 წლის „ოქროს ბურთის“ დაჯილდოების ცერემონიაზე აღნიშნა, რომ მისი მთელი ოჯახი ფრანგული კლუბის მხარდამჭერია.