რუსეთის გენერალურმა პროკურატურამ საერთაშორისო არასამთავრობო ორგანიზაცია Amnesty International „არასასურველად“ გამოაცხადა.
რუსეთის გენერალური პროკურატურა ამტკიცებს, რომ Amnesty International-ის ლონდონის შტაბ-ბინა წარმოადგენს „გლობალური რუსოფობიური პროექტების მომზადების ცენტრს, რომელიც დაფინანსებულია კიევის რეჟიმის დამხმარეების მიერ“. უწყების განცხადებაში ნათქვამია, რომ ორგანიზაციის აქტივისტები „აკეთებენ ყველაფერს, რათა გააძლიერონ სამხედრო დაპირისპირება რეგიონში – ამართლებენ უკრაინელი ნეონაცისტების დანაშაულებს, მოუწოდებენ მათი დაფინანსების გაზრდისკენ, დაჟინებით მოითხოვენ რუსეთის პოლიტიკურ და ეკონომიკურ იზოლაციას“.
გენერალურმა პროკურატურაში განაცხადეს, რომ Amnesty International-ის წარმომადგენლები „მხარს უჭერენ ექსტრემისტულ ორგანიზაციებს“ და „აფინანსებენ უცხო აგენტების საქმიანობას“.
„არასასურველი“ ორგანიზაციების სიაში, რომელსაც რუსეთის იუსტიციის სამინისტრო აწარმოებს, Amnesty International ჯერჯერობით არ არის შეტანილი (როგორც წესი, ეს ხდება გენერალური პროკურატურის პრეს-რელიზის გამოქვეყნებიდან ერთი კვირის შემდეგ).
ამჟამად ამ სიაში სულ 223 ორგანიზაციაა.