დიდმა ბრიტანეთმა შეაჩერა მოლაპარაკებები ისრაელთან თავისუფალი ვაჭრობის შეთანხმების დადების თაობაზე, ღაზის სექტორში ისრაელის არმიის ახალი ოპერაციის გამო. ამის შესახებ გაერთიანებული სამეფოს საგარეო საქმეთა მინისტრმა, დევიდ ლემმა განაცხადა.
„მე ვაცხადებ, რომ ჩვენ შევაჩერეთ მოლაპარაკებები ისრაელის ამჟამინდელ მთავრობასთან თავისუფალი ვაჭრობის შეთანხმების შესახებ“, – აღნიშნა ბრიტანელმა მინისტრმა.
მისი თქმით, ლონდონმა ასეთი ნაბიჯი ისრაელის პრემიერ-მინისტრის, ბენიამინ ნეთანიაჰუს ქმედებების გამო გადადგა, რომელიც ბლოკავს ჰუმანიტარული დახმარების მიწოდებას ღაზის სექტორში და აფართოებს საბრძოლო მოქმედებებს.
კომენტარები