რუსეთის პრეზიდენტი, ვლადიმერ პუტინი კურსკის ოლქში ჩავიდა. ინფორმაციას რუსული მედია ავრცელებს.
კურსკის ოლქში პუტინმა ადგილობრივ მოხალისეებთან შეხვედრა გამართა. შეხვედრაში აგრეთვე მონაწილეობდნენ კურსკის ოლქის გუბერნატორის მოვალეობის შემსრულებელი, ალექსანდრე ხინშტეინი და პრეზიდენტის ადმინისტრაციის ხელმძღვანელის პირველი მოადგილე, სერგეი კირიენკო.
ვიზიტის ფარგლებში პუტინმა აგრეთვე კურსკში მშენებარე მეორე ატომური ელექტროსადგური მოინახულა.
როგორც რუსული მედია აღნიშნავს, ეს პუტინის პირველი ვიზიტია კურსკის ოლქში მას შემდეგ, რაც 26 აპრილს რუსეთმა განაცხადა, რომ ოლქიდან მთლიანად განდევნეს უკრაინელი ჯარისკაცები, რომლებიც გასული წლის აგვისტოდან იყვნენ შეჭრილნი.
კომენტარები