აშშ-ის პრეზიდენტის, დონალდ ტრამპის უფროსმა შვილმა კატარში ვიზიტისას განაცხადა, რომ შესაძლოა, ერთ დღეს საპრეზიდენტო არჩევნებში მიიღოს მონაწილეობა, რადგან მას აქვს „მოწოდება“.
კითხვაზე, აპირებს თუ არა ის „მართვის სადავეების გადაბარებას“ მას შემდეგ, რაც დონალდ ტრამპი თანამდებობას დატოვებს, ტრამპის შვილმა განაცხადა: „ჩემთვის პატივია, რომ ამის შესახებ მკითხეს და პატივია, რომ ზოგიერთ ადამიანს ამის საწინააღმდეგო არაფერი აქვს. ასე რომ, პასუხი ასეთია: არ ვიცი, იქნებ ერთ დღესაც… იცით, მოწოდება არსებობს. მე ყოველთვის ვიქნები ამ საკითხების ძალიან აქტიური მხარდამჭერი. ვფიქრობ, რომ მამაჩემმა ნამდვილად შეცვალა რესპუბლიკური პარტია“, – განაცხადა უმცროსმა ტრამპმა.
4 მაისს აშშ-ის პრეზიდენტმა, დონალდ ტრამპმა განაცხადა, რომ დატოვებს თეთრ სახლს მეორე ვადის დასრულების შემდეგ და არ შეეცდება თანამდებობაზე ყოფნის გახანგრძლივებას.