ნასვამ მდგომარეობაში მყოფმა ზესტაფონის სამმართველოს უფროსმა პავლე ბუბულაშვილმა და ტყიბულის სამმართველოს უფროსმა ზაზა ჩუბინიძემ ერთ-ერთ რესტორანში შელაპარაკების ნიადაგზე ერთმანეთს ხელკეტებით სცემეს. დამტვრეულია ავეჯი და რესტორნის ინვენტარი.
ინფორმაციას ადგილობრივი ინტერნეტგამოცემა “ქუთაისი თუდეი” ავრცელებს. პორტალის მონაცემებით, ადგილზე რამდენჯერმე გაისროლეს. “ქუთაისი თუდეის” ცნობით, პავლე ბუბულაშვილისა და ზაზა ჩუბინიძის საქმეს გენერალური ინსპექცია იძიებს. გამოძიების ფაქტს შინაგან საქმეთა სამინისტროშიც ადასტურებენ, თუმცა მიზეზებს არ განმარტავენ.
კომენტარები