მიმდინარე წლის 22-26 მაისს,ესტონეთში, ქალაქ პიარნუში, მკლავჭიდის საერთაშორისო ფედერაციის ( IFA) ეგიდით, ჩატარდა ევროპის ჩემპიონატი, რომელშიც მონაწილეობას იღებდნენ სპორტსმენები მსოფლიოს 19 ქვეყნიდან.
საქართველოს დელეგაცია 8 სპორტსმენით იყო წარმოდგენილი. მათ შორის გახლდათ ომის ვეტერანი, ასევე, ვეტერანი სპორტსმენი, ოთხგზის მსოფლიო და ხუთგზის ევროპის ჩემპიონი, ზვიად ხაჩიძე, რომელმაც, ამჯერად, ევროპის ვიცე-ჩემპიონის ტიტული მოიპოვა და 4 ვერცხლის მედლით ბრუნდება სამშობლოში.
აღსანიშნავია, რომ ზვიად ხაჩიძე, პიარნუში, ორ სხვადასხვა კატეგორიაში ასპარეზობდა-ვეტერან და შშმ სპორტსმენებს შორის და ფინალში, შვედ მეტოქესთან, მეორე ადგილს დასჯერდა როგორც მარჯვენა, ისე მარცხენა ხელით ორთაბრძოლაში.
საქართველოს ნაკრებმა, ასპარეზობა, 2 ოქროს, 8 ვერცხლისა და 2 ბრინჯაოს მედლით დაასრულა. ზვიად ხაჩიძეს, ესტონეთში გამგზავრებაში, ვეტერანების საქმეთა სახელმწიფო სამსახურთან ერთად, კომპანია არემჯი გოლდმაც გაუწია თანადგომა.
ვეტერანების საქმეთა სახელმწიფო სამსახური ულოცავს ზვიად ხაჩიძეს მიღწეულ გამარჯვებას და კიდევ ბევრ წარმატებას უსურვებს.