რუსეთის ქალაქ სტავროპოლში აფეთქების შედეგად მერის მოადგილე, ზაურ გურციევი, რომელიც უკრაინის წინააღმდეგ ომში იღებდა მონაწილეობას, გარდაიცვალა. ინფორმაციას უკრაინული მედია სტავროპოლის გუბერნატორზე, ვლადიმერ ვლადიმიროვზე დაყრდნობით ავრცელებს.
გუბერნატორის თქმით, შემთხვევა სტავროპოლში ჩეხოვის ქუჩაზე მოხდა. ვლადიმიროვი ვარაუდობს, რომ ინციდენტის უკან უკრაინული მხარე დგას. ის მომხდარს ტერაქტს უწოდებს.
გავრცელებული ცნობით, საცხოვრებელ სახლში, სადაც გურციევი იმყოფებოდა, ხელყუმბარა აფეთქდა. უკრაინული მედია ამტკიცებს, რომ გურციევი ქალაქ მარიუპოლის დაბომბვაში იღებდა მონაწილეობას.
კომენტარები